Repleksyon tungkol sa pagtaas ng presyo ng Bigas

Lahat tayo’y nabubuhay sa panunahing pangangailang. Isa sa mga pangangailangang ito ay ang pagkain. Isa sa pagkain na hindi mo makikitang nawawala sa hapag-kainan ng isang pangkaraniwang Pilipino ay ang kanin, mayaman man o mahirap nakasanayan na nating kumain ng kanin tatlong beses sa isang araw, ni minsan ay napipilitan pang bumili pa ng kanin para lang matapatan ang paborito nating ulam. Ang kanin na ito ay galling sa bigas na galling sa palayan ng magsasaka. 


Ang Bigas ay maituturing isang mahalagang pangunahing pagkain ng mga Pilipino. Maraming pwededng gawin sa bigas bukod sa kanin tulad na lamang ng puto, harina, at iba pa. Ngunit sa kabila ng mga ito nito maraming tao ang nagiging sakim sa illusion ng ginhawa na ibinibigay ng pera, sa halip na tulungan ang mga taong naghihirap. Mga taong mas ninanais pang makalikom ng pera kaysa sa kanilang buhay. Sila ang mga taong gumagamit ng masamang gawain upang makalamang. At dahil sa panguugaling ito ay nagbunga ang mga masasamang paraan upang yumaman ang mga kompanyang hindi nakokonento, isa sa mga paraang ito ay ang tinatawag nating hoarding. 

Ang mga pribadong kompanyang ito ay hindi kontrolado ng NFA na sa dahilang ito ginagamit nila ito para sila’y makalamang. Napakasakit naman isipin na ang sariling kababayang Pilipino ang syang gumagawa ng mga ito, na hindi man lamang iniisip ang kalagayan ng iba ngunit ang sariling kapakanan. Sa isyung ito kailangan ng higit pang control sa mga kompanya na nag aasikaso ng bigas, kailangan may nag momonitor sa bawat galaw ng mga kompanyang ito. 

Pinagkuhanan ng litrato:http://www.untvweb.com/news/pagtaas-sa-presyo-ng-bigas-iimbestigahan-ng-dti/